×

Warning

JUser: :_load: Unable to load user with ID: 155

AQALKA SARE OO QABTAY KULAN LOOGA HADLAY XAD-GUDUBYADA KA DHANKA AH HAWEENKA IYO CARUURTA

AQLKA SARE AQLKA SARE

Munaasabad lagu xusayo ololaha 16-ka maalmood ee tacdiyada kadhanka ah haweenka oo Ururka haweenka ee golaha aqalka sare ee baarlamaanka Somalia uu soo qaban-qaabiyay ayaa maanta lagu qabtay Muqdisho.

 

Munaasabadan oo ay kasoo qayb-galeen guddoomiye ku-xigeenka koowaad ee Golaha Aqalka Sare ee dalka, Xildhibaannada Haweenka ah Golayaasha Aqalka Sare iyo kan Hoose ee baarlamaanka ku jira, haween ka kala socday ururada bulshada rayidka ah iyo Degmooyinka Gobolka Banaadir ayaa looga hadlayay xad-gudubyada ka dhanka ah haweenka iyo carruurta, sababaha ay ku yimaadaan iyo sidii looga hortagi lahaa.

Guddoomiye ku-xigeenka koowaad ee Golaha Aqalka Sare ee baarlamaanka, Abshir Maxamed Bukhaari oo xafladda furay ayaa sheegay in haweenku ay laf-dhabar u yihiin bulshada, kaalin weynna ay kasoo qaateen halgankii iyo gobonima-doonkii dalka, sidaas daraadeedna aan la aqabali karin in xad-gudub loo geysto.

Sidoo kale, Guddoomiyaha ku-xigeenka ururka haweenka ee Golaha Aqalka Sare Deeqo Xasan Xuseen oo iyaduna munaasabadda ka hadashay ayaa sheegtay in xad-gudubyada ka dhanka ah haweenka ay yihiin kuwa soo jireen ah oo dhibaato weyn ku ah bulshada, sidaa awgeedna loo baahan yahay in si wadajir ah looga hor-tago.

Waxayna hadalkeeda ku dartay, in ururka haweenka ee golaha aqalka sare ay dadaal weyn ugu jiraan sidii ay uga shaqeyn lahaayeen in la joojiyo tacdiyada ka dhanka ah haweenka iyo carruurta.

Sidoo kale, qaar ka mid ah ururarda haweenka ee ka hadlay Munaasabadda ayaa si isku mid ah u sheegay in haweenka loo geysto dhibaatooyin ka dhan ah xuquuqda Aadanaha, iyagoo ku baaqay in loo midoobo sidii loo joojin lahaa.

Ugu dambeyn, Toddobaadka ololaha xad-gudubyada ka dhanka ah haweenka iyo carruurta ayaa si weyn maalmahan looga xusayay caalamka iyo meelo badan oo dalka ah, kuwaasoo loogga gol-leeyahay in lagu joojiyay tacadiyada inta badan loo geysto haweenka iyo carruurta.

 

Tweets Golaha Aqalka Sare

Shirkii Wada tashiga Gudiga Maaliyadda Aqalka Sare iyo Dowlad Goboleedyada ayaa galay Maalintii 5aad Ayaa Waxaa ka… https://t.co/2VUhyEu8cb
Guddiga Horumarinta Adeegga Bulshada,Arrimaha Bini'aadinimada,Warfaafinta iyo Dhaqanka ayaa kulan latashi la yeesha… https://t.co/kd3nOMUgxK
Dhageysiga Talooyinka Dowlad Goboleedyada iyo Guddiga Dhaqaalaha iyo Maalyadda Golaha Aqalka Sare ayaa Maalintii S… https://t.co/wjEOuQyffk

Tweets Golaha Shacabka

Guddiga Maaliyadda, ee GHOSH Ayaa manta oo ay Tarikhdu tahay 04/11/2019 waxay kulan Kula yeshen xarunta Gudiyadda e… https://t.co/kHJCs6hnsd
Xildhibaan Samiira Xassan Cabdulle Oo kamid ah wafdi Xildhibaano iyo Wasiiro ah oo ka socda DFS oo maalman danbe ku… https://t.co/0MwrLKJAOH
Mudanayaasha golaha shacabka ayaa maanta akhrinta koowaad marsiiyay hindise sharciyeedka qareenada Soomaaliyeed iyo… https://t.co/nZgiJi43bU
© 2018 Xuquuqda Dhawrista Baarlamaanka Federaalka Soomaaliya