Guddiga Joogtada Golaha Shacabka ayaa maanta Kulan Ku yeeshay Xarunta Guddoonka iyo Guddiyada ee Villa Hargeysa

Guddiyada Joogtada Golaha Guddiyada Joogtada Golaha

Muqisho:

Guddoomiyaha golaha shacabka ee Baarlamaanka Federaalka Soomaaliya Mudane Maxamed Mursal Sheekh C/raxmaan ayaa Maanta la kulmay qaar ka mid ah guddiyada joogtada ee golaha shacabka.

Kulanka ayaa ka dhacay Xarunta guddoonka iyo guddiyada joogtada ee Villa Hargeysa.

Guddiyada uu la kulmay guddoomiye Maxamed Mursal ayaa waxaa ka mid ah guddiga difaaca ee golaha iyo guddiga dib u heshiisiinta.

Waxa ay kawada hadleen sidii loo xoojin lahaa wada shaqeynta guddoomiyaha cusub iyo guddiyada joogtada.

Sidoo kale waxa ay ka wada hadleyn sidii loo dardar gelin lahaa howlaha muhiimka ee golaha horyaalla iyo sidii hala dhinac loogu noqon lahaa hormarinta golaha shacabka.

Guddoomiyaha ayaa warbixin la xiriirta shaqooyinka guddiyada iyo howlaha hada horyaalla ka dhageystay masuuliyiinta guddiyada.

Guddoomiyaha golaha shacabka Mudane Maxamed Mursal Sheekh C/raxmaan ayaa guddiyadii uu la kulmay kula dardaarmay iney halkooda howsha ka sii wadaan iyo in ay xoojiyaan wada shaqeynta kala dhaxeysa wasaaraha ay shaqo wadaagayihiin.

Dhanka kale waxaa maanta si rasmi ah u bilowday dhismaha Xarunta KMG ee golaha shacabka uu ku sii shaqeynayo inta laga dhisayo Xarunta weyn ee golaha shacabka.

Guddoomiye Maxamed Mursal ayaa si rasmi ah u daah furay dhismaha lagu sameynayo xarunta KMG ee Golaha shacabka ku sii shaqeynayo.

Guddoomiyaha ayaa kula dardaarmay howl wadeenada iyo Injineerada loo xil saaray dhismaha xaruntan in ay waqtiga loogu tala galay ku dhameeyaa dhismaha.

Xarunta maanta dhismaha lagu bilaabay ayaa ah Xarunta Villa Hargeysa waxa ayna noqoneysaa xarunta KMG ee golaha shacabka.

Marka la dhameeyo dhismaha xaruntan ayaa Xildhibaanada golaha shacabka waxa ay usoo wareegayaan xaruntan waxaana dhismo lagu bilaabaya xarunta weyn ee golaha shacabka.

Tweets Golaha Aqalka Sare

Guddoomiyaha Golaha Aqalka Sare ee Baarlamaanka Federaalka Soomaaliya Senatar Cabdi Xaashi Cabdullahi ayaa ka qayb… https://t.co/dfD2Ei6JHS
Guddoonka Labada Aqal ee BFS ayaa kulan la qaatey Guddiga Dastuurka Baarlamaanka Federaalka Soomaaliya ,ayagoo warb… https://t.co/UvERY1TjnM
Guddoomiyaha Aqalka Sare Senatar Cabdi Xaashi Cabdullahi ayaa ka qeeyb galay munaasabad lagu xasuyay maalinta caala… https://t.co/7foSE0g04L

Tweets Golaha Shacabka

Wafdi uu hoggaaminayo Guddoomiyaha golaha Shacabka Jamhuuriyadda Soomaaliya oo uu qeyb ka yahay guddoomiyaha Baarla… https://t.co/P0vQAKIz05
Guddomiyaha Golaha Shacabka BJFS Mudane Maxamed Mursal Oo Wehlinaya Gudomiye Ku Xigeenka Kowaad ee Golaha Shacabka… https://t.co/S1P0BCdSs6
Guddoonka Labada Aqal ee Baarlamaanka Soomaaliya oo kulan la qaatay Wafdi ka socday EU-da. https://t.co/MHNtoZNeWS
© 2018 Xuquuqda Dhawrista Baarlamaanka Federaalka Soomaaliya